Пенелопе Круз, наградуваната шпанска актерка и муза на Педро Алмодовар, во секоја прилика потврдува дека не знае за грешки кога се во прашање модните избори.
Згодната бринета, која со години е во брак со Хавиер Бардем, со кој има две деца, прошета во Лос Анџелес во лежерно летно издание.
Убавата Шпанка редовно се истакнува на црвениот тепих, но со овој шик стајлинг докажа дека знае да прави генијални дневни модни комбинации.
Пенелопе вешто искомбинирала пократок горен дел со весел „пејсли“ дезен со фармерки со права нога во варијанта на темен тексас кој одговара на секоја фигура.
Тоа е класичен, ласкав модел со кој не можете да погрешите бидејќи има дополнителен плус – ја издолжува фигурата и не прави послаби.
Шпанската актерка го комплетираше овој кул изглед со шик апостолки украсени со нитни.
Суптилната шминка и косата ишарани со полесни прамени стилизирани во лежерни бранови го комплетираа ова беспрекорно издание на 48-годишната Пенелопе.