Мерлин Монро беше повеќе од актерка; се сметаше за симбол на едно време. Таа на големо ги воведе новите модни трендови, храбро пркосејќи им на ригорозните стандарди од тоа време.
Контроверзната дива цврсто застана во својот моден избор иако често беше омаловажувана; од црвен кармин, платинеста коса, тесни, кратки и проѕирни фустани, Мерилин знае да извлече се.
– Не се облекувам за жени, тие се толку критични. Се облекувам за мажи, тие знаат да го ценат мојот труд. Ве молам, господине, немојте да се шегувате со мене – рекла еднаш русокосата икона, пренесува „Би-Би-Си“.
Да се потсетиме на некои култни изданија кои сè уште се препознатливи за целата планета.
Познатиот розов фустан
Спорната, но универзално популарна песна „Дијамантите се најдобриот пријател на жената“ можеби немаше да доживее таков успех доколку не беше познатиот розов фустан.
Долг, тенок сатенски фустан со ремен и раскошна машна одзади, како и ракавици во иста боја, одлично се совпаѓаа со тенот на убавата Монро.
Дијамантите околу вратот и на рацете дополнително ја истакнаа екстравагантната елеганција.
2. Бел набран фустан за вечноста
Белиот набран фустан со суптилно деколте е можеби најголемата карактеристика на дивата.
Во филмот „Седум години лојалност“, познатата сцена во која актерката стои над отворот за вентилација во метрото, а фустанот наеднаш се крева за да ја открие белата долна облека, го обиколи светот.
3. Гламур во црно
Најголемиот актерски успех на Дивата се смета за филмот „Некои го сакаат тоа жешко“, каде нејзиниот талент за пеење и чувството за комедија дојдоа до израз.
Црниот фустан со светки со реси е запаметен како едно од нејзините попредизвикувачки изданија поради проѕирниот тул што го разоткри целиот грб на Мерилин.
4. Црвено – за радост
Филмот „Мажите претпочитаат русокоси“ ја подигна во стратосферата, а покрај споменатиот розов фустан се истакна уште еден – предизвикувачки црвен.
Рамо до рамо со колешката Џејн Расел, фаталната жена се појави во бургундски фустан со светки со длабоко деколте, што изгледаше како најубавото празнично утро.
Мерилин пред се, беше и останува непогрешлива икона на смелоста, а потоа и на стилот. Таа одби да подлегне на правилата, секогаш играјќи на нејзиниот начин.
Изгледаше како божица што оди и успеа бескрајно да остави свој белег кога е модата во прашање.