Познатата бразилска манекенка Адријана Лима беше олицетворение на првокласен гламур и елеганција во светкав црн фустан со отворен грб, кој го носеше за спектакуларно појавување на црвениот тепих за премиерата на филмот „The KIller“.
Креацијата која одлично и прилегаше и ласкаво ја истакнуваше беспрекорната фигура на 42-годишната манекенка, содржеше и ефективен „шлеп“ кој на целата комбинација и даде уште една доза на гламур.
Поранешниот ангел на Викторија Сикрет носеше фустан кој сензационално ја истакна силуетата, а рефлексиите на блицовите на фотоапаратот направија манекенката буквално да „блесне“ на црвениот тепих.
Блескајќи под рефлекторите, Адријана носеше и блескав двоен дијамантски ѓердан, комплет со соодветни дијамантски прстени и обетки. Заедно со гламурозниот изглед, имаше и гламурозна фризура – ниска пунџа и две лабави брановидни прамени.