Кога не се појавува во кампањите на дизајнерските брендови, сестраната Карла Бруни ги поддржува во улога на славна гостинка на модни ревии.
Оваа поранешна прва дама на Франција, супермодел од 90-тите и кантавторка воодушеви со бројните привлечни изданија на новата Недела на висока мода во Париз.
На ревијата на брендот Schiaparelli таа го украде центарот на вниманието во црн стајлинг, зачинет со златни детали, додека новитетите на францускиот Dior ги тестираше во елегантна комбинација од бела јакна и црни панталони со широки ногавици.
За шоуто на Либанецот Зухаир Мурад направи издание кое стилски целосно одговара на новата хит естетика на „жена на мафијаш“. Таа првенствено ја евоцирала со луксузна бунда направена од долга, двобојно крзно, а потоа со парчиња како панталони со сатенски сјај и плиширани кожени ракавици.