Ако сте редовен посетител на TikTok, тогаш сигурно не сте го пропуштиле трендот на шминкање „лате“, кој го создала бјути инфлуенсерката Рејчел Риглер, која го измислила терминот.
Оттогаш, многу познати ѕвезди како Хејли Бибер се видени како го присвојуваат овој шик начин на шминкање за софистициран, благо исончан и блескав тен.
Се чини дека и Меган Маркл сега ја прифати оваа прекрасна нијанса на омилениот пијалок caffè latte, односно белото кафе, кое одлично и прилега.
Поранешната ѕвезда на серијата „Suits“ се одлучи за оваа елегантна нијанса за време на снимањето на видеото во кое таа и нејзиниот сопруг, принцот Хари, го најавија новиот проект наречен Responsible Technology Youth Power Fund на веб-страницата на фондацијата Archewell.
Оваа нова иницијатива вклучува 26 исклучителни млади поединци и организации фокусирани на преобликување на иднината на технологијата. На видеото се гледа парот во разговор со талентирани поединци со кои разговарале како да ја направат технологијата безбедна за идните генерации, а на многумина не им „избега“ изгледот на војвотката од Сасекс.
И овојпат впечатливата Американка не погреши со својот избор и се одлучи за секогаш доброто решение: монохроматски изглед.
Меган за оваа пригода избра шик лате облека, случајно или намерно, во склад со популарниот тренд на TikTok. Таа носеше елегантен дводелен ансамбл составен од долчевита без ракави на Bleusalt и соодветно долго здолниште, а стајлингот го комплетираше со младешка фризура и природна шминка. Убавата војвотка дополнително го засили својот аутфит со златни обетки и неколку златни алки.
Принцот Хари беше облечен многу лежерно во бела кошула со засукани ракави во комбинација со чино панталони во боја на камила.
Многумина го протолкуваа нивниот избор на стајлинг како двојката да сака да го истакне своето заедништво со модерно усогласување во кафени тонови, бидејќи се појавија пишувања дека во нивниот брак повеќе не цветаат рози.