Вицепремиерот Кочо Анѓушев соопшти дека „Пурпласт“ во првата фаза ќе гради индустриски објект со површина меѓу осум и 10 илјади квадратни метри.
– Со потпишувањето на овој договор продолжува индустријализацијата на нашата држава. Сите дилеми дали се градат фабрики веќе никој не ги спомнува бидејќи јасно и е на целата јавност дека фабрики се градат. Неколку пуштивме во работа, неколку се во фаза на градба, неколку почнуваат со градба, но се заедно тоа се 30-тина фабрики и затоа 54 илјади луѓе се вработија во изминатите две години. Резултатите полека доаѓаат. Горди сме полека државата ја индустријализираме и горди сме што наместо да извезуваме луѓе, помагаме да извезуваме производи бидејќи со секое вработување имаме еден помалку заминат човек од нашата држава, нагласи вицепремиерот Анѓушев.
Најави дека оваа недела во ТИРЗ ќе биде отворена и фабриката на швајцарската компанија „Бауер“.