Компанијата Expanscape го претстави првиот лаптоп со седум дисплеи во светот. Екраните на прототипот Aurora 7 имаат различни дијагонали и резолуција, станува јасно од сè уште оскудните информации на страницата на девелоперот.
Лаптопот се потпира на процесор Intel Core i9 9900K и графички забрзувач на Nvidia GTX. Четири од екраните имаат дијагонала од 17,3 инчи и 4K резолуција, додека другите три се со 7-инчен Full HD, од кои едниот е вграден во работната површина на компјутерот.
Aurora 7 е дизајниран за потребите на истражувачите, девелоперите, трговците, креаторите на содржини и повеќе. Вградената батерија што се полни може да ја обезбеди целата енергија што ви е потребна за да работите со вашиот лаптоп без потреба од дополнителни батерии.
Во моментов, не е јасно колку ќе чини таков лаптоп. Компанијата објави слики на Aurora 7 на својата веб-страница и објави дека ќе ги открие целосните спецификации на лаптопот (веројатно и цените) во наредните денови.
Програмерите на Expanscape се придржуваат кон филозофијата 3 „U“ – утилитарен, бескомпромисен и неконвенционален.
„Ние реализираме тешки идеи“, велат од компанијата.