Однесувањето на приватните инвеститори во текот на пандемијата варира во зависност од возраста, сметаат експерти од инвестиционата банка JP Morgan Chase. Иако сите инвеститори се заинтересирани за алтернативни вложувања, постарите “посегнуваат“ по злато, а помладите ги преферираат крипто валутите.
Миленијалците, односно генерации родени од раните 80-ти до крајот на 90-тите години од минатиот век, повеќе преферираат акции, особено издадени од технолошки компании, а постарите ги продаваат своите акции.
И постарите и помладите инвеститори се за “алтернативни“ валути, без разлика на тоа дали се работи за вложување во злато, некој друг благороден метал, крипто валута и слично.