Кинеската компанија „Opo“, во соработка со јапонското студио за дизајн „Nendo“, дизајнирала „лизгачки“ телефон кој го менува обемот како што ви одговара, во зависност од моменталната потреба.
Може да се преклопи, исто како и другите флип телефони на пазарот, а може да се отвори делумно, во зависност од тоа дали ви треба поголема или помала површина на екранот.
Телефонот бил наменет и за оние кои сакаат видео игри за мобилни телефони, па доколку овој уред е целосно отворен, има простор за огромен екран, но и за сите контролни команди од лево и од десно, кои не го попречуваат прегледот на играта, пренесува „Зимо“.
The concept of ‘slide-phone’ is that smartphone users are using their phone to interact with the world around them more, yet the devices are often too large in size.
The triple-fold allows the user to change the size to fit the occasion. #OPPOxnendo
— OPPO (@oppo) December 14, 2020
Ако телефонот се отвори при првото „преклопување“, ќе ослободите четири сантиметри од екранот, што е доволно за основните функции, како што се гледање повици, отворање апликација за пуштање музика или читање известувања.
Во второто „преклопување“, телефонот нуди осум сантиметри екран, што е доволно за фотографии, а особено е погодно за селфи, бидејќи камерите се свртени кон вас во таа позиција.
На крајот, кога уредот е целосно отворен, тогаш се добива најголемата површина, а камерите ја заземаат својата стандардна позиција, од задната страна.
Од „Opo“ не наведуваат кога планираат официјално да го пуштат уредот на продажба, но тој може да се појави на некој од саемите следната година.