Нешто што започна како шега, како пародија на тема криптовалути инспирирани од „мемињата“, прерасна во вистинска криптовалута, а откако оваа валута стана тема на твитовите на Илон Маск, нејзината вредност скокна за 20%. Првиот човек на Тесла вчера се шегуваше на Твитер со Биткоинот, па во еден момент извика „ Dogecoin “, пишувајќи „Еден збор: Doge “ на твитот.
Овој твит ја зголеми вредноста на dogecoin за 20 проценти и го вклучи во најбараните термини на Твитер. Технолошкиот милијардер отиде чекор подалеку, па во својата биографија на оваа социјална мрежа додаде дека тој е и поранешен директор на Dogecoin, пишува Си-Ен-Ен. Маск твитна за dogecoin откако биткоинот ја достигна највисоката вредност досега, достигнувајќи 24.000 американски долари.
Ова не е првпат Маск да твитува за dogecoin. Истото го стори во јули, кога ги напиша зборовите „Неизбежно е“, со слика на куче што ја претставува оваа криптовалута, која се надвиснува над целиот финансиски систем. Твитот тогаш ја зголеми вредноста на валутата за 14 проценти.
It’s inevitable pic.twitter.com/eBKnQm6QyF
— Elon Musk (@elonmusk) July 18, 2020
„Dogecoin“ е создаден во 2014 година како пародија на познатата „doge“, која вклучувала слика на куче од расата кучиња шиба ину. Иако оваа виртуелна паричка е создадена како шега, нејзината сегашна вредност е 570 милиони долари.
One word: Doge
— Elon Musk (@elonmusk) December 20, 2020