СТАНДАРД life
КОМПАНИИ

Брегу: Заедничкиот регионален пазар доби широко признание и поддршка

Генералниот секретар на Советот за регионална соработка (РЦЦ), Мајлинда Брегу, денес изјави дека напорите што регионот ги вложува во реформската агенда за Заедничкиот регионален пазар добиваат широко признание и поддршка.

„Напорите на регионот во реформската агенда за Заедничкиот регионален пазар добија широко признание и поддршка, вклучително и на неодамнешниот состанок на министрите за надворешни работи и развој на Г7, каде лидерите го поддржаа понатамошниот напредок во регионалната соработка преку Заедничкиот регионален пазар, Зелениот план и Берлинскиот Процес“, рече Брегу на отворањето на Првиот состанок за координација на донаторите на заедничкиот регионален пазар.

Целта на инаугуративниот состанок за координација е да се подигне свеста за клучните реформи во политиката за да се обединат напорите за постигнување максимални резултати во амбициозната временска рамка во следните четири години, соопшти РЦЦ.

Процесот на координација на донаторите ќе продолжи подоцна во текот на годината за детално идентификување на потребите за инвестиции во секторот, особено како дел од агендите за дигитална трансформација, индустрија и иновации.

„Владите во регионот треба да предложат конкретни инвестиции потребни за единствениот пазар да стане реалност на Западен Балкан. Ја повторуваме нашата целосна подготвеност да ги поддржиме шестте држави од ЗБ во овој потфат “, додаде Брегу.

РЦЦ наведува дека националните ресурси никогаш нема да бидат доволни за економско закрепнување на регионот и дека покрај поддршката на Европската унија, потребни се партнери и донатори за одржлив развој.

Првиот координативен состанок на донатори за заеднички регионален пазар обедини министри од економиите на Западен Балкан, претставници на донаторската заедница, меѓународни финансиски институции и билатерални донатори, како и претставници на ЦЕФТА и претставници на Европската комисија кои изразија интерес за целосно учество и остварување на агендата на РЦЦ, се вели во соопштението.

Поврзани вести

Милионска казна за Grindr за нарушување на приватноста

Влатко Зорба

Приходот на банкарскиот систем во Словенија бил 450 милиони евра за минатата година

Влатко Зорба

САД се најголемиот извозник на оружје во светот, Русите запишаа голем пад

Влатко Зорба