Хејли Бибер уживаше во вечерното излегување во познатиот ресторан во Санта Моника, Џорџо Балди, а секогаш брилијантно облечената сопруга на Џастин Бибер ја следеа многу воодушевени погледи.
Убавицата која потекнува од познатото холивудско семејство Болдвин, пријатната дружба со својата пријателка Каруече Тран, модел и актерка, ја претвори во вистински моден спектакл.
Иако вообичаено ја гледаме во кул дневни комбинации, Хејли реши да се инспирира од вечниот моден минимализам од 90-тите, периодот кој и е омилен на модата.
Атрактивната Американка изгледаше фантастично во елегантен црн фустан без прерамки на брендот The Row, кој беспрекорно го комбинираше со модели на салонки кои беа популарни и во деведесеттите. Стајлинг идеален за многу свечени прилики, Бибер го комплетираше со шик чанта (Сен Лоран) и одлична фризура, женствен боб кој одлично и прилега и обетки потпишани од луксузниот бренд Bottega Veneta.
Иако е голем љубител на тениски обувки, мокасини или слип-он, овојпат реши да воведе интересна промена – класичните сандали на високи потпетици, кои не се сомневаме ќе бидат еден од најголемите трендови оваа година.