Знакот Девица владее од 23 август до есенската рамноденица на 23 септември. Иако нејзините членови се придружени со многу критичност и пресметливост, доколку барате лојален партнер кој секогаш ќе ви стои на располагање, родените во знакот Девица нема да ве разочараат.
Нивната вродена желба за ред и педантност понекогаш го исцрпува партнерот, но не заборавајте: по правило се построги кон себе отколку кон другите, особено со оние што ги сакаат. Затоа, не ги замерувајте повремените критики упатени кон вас.
Тие не ги изговараат за да ја намалат вашата вредност, туку со искрена намера да ви помогнат да го развиете вашиот целосен потенцијал. Иако длабоко во себе кријат романтична душа, тие се премногу практични за да веруваат во љубовни приказни од бајките. Тие не се оние кои се препуштаат на илузии за фатален бакнеж и идиличен живот.
Сакаат врска која ќе им донесе нешто добро на двајцата и ќе им го олесни животот. Нивната цел е да соработуваат со партнерот како добро координиран тандем и заедно да ги решаваат проблемите со кои се среќаваат. Во љубовната врска ја задоволуваат потребата да помогнат и да бидат корисни, но не да добијат нешто за возврат, туку да го зголемат општото добро.
Ќе се трудат да ве израдуваат, но помалку со драматични гестови, а повеќе со секојдневни мали изрази на внимание и безрезервна поддршка. Потребата да му се допадне на саканата личност доаѓа до израз во еротска акција. Ќе направат се за да ве доведат до екстаза, а притоа ќе се трудат да бидат прецизни и темелни како во другите сфери од животот.
Ако сакате да ги задржите со себе, опсипете ги со нежност, храброст и толеранција за нивната повремена нервоза и поплаки. Ако станат премногу критични кон себе, прегрнете ги и поттикнете ги да имаат порелаксиран поглед на светот. Дајте им до знаење дека ги сакате такви какви што се и дека не мора секогаш сè да одговара на нивните високи стандарди.
Со кои знаци Девиците ќе бидат среќни и добро ќе се надополнуваат, а кој ќе ги полудува?