Девиците се интровертни и чувствителни, а емоциите ги кријат зад ладна и логична маска. Тие се држат до рутината и организираниот живот, па им треба стабилен и доверлив партнер на кој безусловно ќе му веруваат
Нив ги привлекуваат луѓе кои го делат нивното чувство за практичност, но тоа не значи дека не сакаат малку романса одвреме-навреме.
Откријте со кои знаци Девиците ќе бидат среќни и добро ќе се надополнуваат, а кој ќе ги полудува:
Девица и Бик
Бикот е еден од најдобрите партнери за Девицата. Овие луѓе се доволно стабилни за да ја смират нејзината нервоза и склоноста кон грижа. Девиците сакаат рутина, организирани се и ги почитуваат правилата, а Бикот тоа го цени бидејќи ни тој не сака изненадувања. Имаат сличен пристап кон сексот и романтиката и спремни се да чекаат додека не најдат соодветен партнер. И двата знака тешко се отвораат, но кога подобро ќе се запознаат, брзо сфаќаат дека нашле сродна душа.
Девица и Јарец
Земјените знаци се познати по нивната практичност. Девиците ценат дека Јарецот е сериозен, вреден и фокусиран на иднината. Со него се чувствуваат заштитени, а ги врзува и взаемна потреба за емоционална и материјална сигурност. Тие често имаат толку многу заедничко што нивната љубовна приказна води до брак и семејство. Добро ќе се сложуваат и во кревет, а единственото нешто на што треба да внимаваат е да не ја запостават романтиката.
Девица и Рак
Овие два знака можат да направат прекрасна врска. Девиците во оваа врска ќе се чувствуваат сакано, разгалено и згрижено, додека Ракот ќе ја цени нивната практичност и лојалност. Сексот можеби не е див, но ќе биде нежен и ќе се подобри со текот на времето. И двајцата имаат потреба од сигурност и сакаат да основаат семејство, па брзо ќе почнат да градат заедничка иднина.
Девица и Водолија
И Девицата и Водолијата се интелектуални знаци, па може да се развие пријателство меѓу нив, но љубовната врска ќе биде континуиран предизвик. Имаат различни пристапи кон животот и обично меѓу нив нема искра. Овие знаци можат дури и да поттикнат лоши особини еден кај друг, а за нивната врска воопшто да трае, и двајцата ќе мора да направат многу отстапки.
Девица и Стрелец
Овие два знака се сосема различни. Девицата е сериозна, претпазлива и воздржана, додека Стрелецот е безгрижен, спонтан и непромислен. Девицата ќе мисли дека Стрелецот е несигурен и дека не може да се потпре на него, додека тој ќе ѝ замери на нејзината вкочанетост, ригидност и намуртено лице. Иако и двајцата се прилагодливи, нивните различни личности и ставови кон животот не се рецепт за трајна врска.