Рецепт за јадење со месо кое може брзо да се подготви.
Состојки:
– 200 гр шпагети
– 400 гр мисиркини гради
– 3 лажици вино
– 1/2 лажичка ѓумбир во прав
– 1 лажица суви зачини, масло
– 3 лажици соја сос
– 150 гр слатка пченка
– 100 гр боранија
– 100 гр црвен пипер
– 100 гр кромид
– 2 чешниња лук
– 100 гр моркови
– 1 лажица цветен мед
Подготовка: Сварете ги шпагетите и исцедете ги. Белото месо од мисирка исечкајте го на парчиња. Исчистете го, измијте го и исечете го зеленчукот на ленти.
Боранијата и пченката исечкајте ги.
Во тефлонска тава на загреано масло пропржете го месото и тргнете го на страна. На истото масло пропржете го зеленчукот и ситно сечканиот лук.
Кога ќе биде готово, вратете ги месото, сварената боранија и пченката. Додадете зачини, соја сос, ѓумбир, мед, вино и гответе уште малку.
Сварените шпагети измешајте ги во половина од приготвеното месо и зеленчук, па врз нив премачкајте го остатокот од зеленчукот и месото и послужете ги топли.
Пријатно!