Познатиот актер Хју Џекмен го прослави својот 55-ти роденден. Ова е негов прв роденден откако минатиот месец се разведе од сопругата Дебора Ли по 27 години брак.
Хју го прослави својот роденден во познато друштво. Најпознатиот холивудски пар Рајан Рејнолдс и Блејк Лајвли прошетаа со Хју низ улиците на Њујорк. Сите тројца беа облечени во лежерни модни комбинации, а папараците будно ги следеа зад нив.
Инаку, Хју и Рајан се најдобри пријатели долги години.
Објави фотографија од тинејџерските денови
По повод неговиот роденден, Хју на Инстаграм објави фотографија од тинејџерските денови. „Имав можеби 17 години. Бев помошник тренер во фудбалскиот тим“, напиша Џекмен.
View this post on Instagram
На фотографијата Хју прави фаца и е облечен во костум. Под фотографијата се собраа еден куп коментари. „Ако некој ми ја покажеше оваа слика и ми речеше да погодам кој е, никогаш немаше да погодам дека тоа е Хју Џекмен“, е еден од коментарите. Многумина го пофалија неговиот изглед и му посакаа среќен роденден.