Наскоро треба да почне да се снима петтата и последна сезона на Stranger Things. Бидејќи сè е одложено, гледачите може да го очекуваат финалето на серијата најрано во 2025 година, а можеби и неколку години подоцна.
Неодамна беше објавено како изгледа првата сцена од петтата сезона, а сега Дејвид Харбор се надоврза на се. Во Stranger Things, тој го игра шерифот Џим Хопер, кој успеа да се смири со Џојс Бајерс, која ја игра Винона Рајдер.
Харбор одговараше на прашања од обожавателите на панелот на Comic Con во Мичиген. Еден фан го праша дали ќе има шеста сезона и дали има повеќе информации за петтата. Актерот јасно стави до знаење дека петтата сезона е последната.
„Убавината е во тоа што ќе го добиеме вистинскиот крај. Сè ќе заврши како што треба. „Нетфликс“ ќе продолжи да прави спин-оф, но нашата приказна, која започна во лабораторија и се движеше низ Upside Down, ќе биде целосна. Во последната епизода од петтата сезона ќе го добиеме вистинскиот крај на се“, изјави актерот.