Популарниот српски пејач Ацо Пејовиќ и неговата сопруга Билјана имаат три ќерки – Ива, Марија и Магдалена.
Ива е најмладата и неодамна наполни 18 години. Сето тоа таа го одбележа со голема забава, на која, како што вели жаргонот, се појави „пола естрада“, но и многу други личности од српската јавна сцена.
Ива, според годините, моментално е во средно училиште, но судејќи по постарите сестри, голема е веројатноста дека ќе го продолжи образованието на некој од факултетите.
Постарите сестри на Ива веќе завршија факултет. Најстарата Магдалена дипломирала на Факултетот за организациски науки во Белград, а после тоа магистерски завршила во Шпанија.
Средната ќерка на Ацо и Билјана е Марија Пејовиќ. И таа го направи тато горд, бидејќи дипломирала медицина со највисоки оценки.
Но, тоа не е се. Како што пишуваат тамошните медиуми, убавата и паметна Марија работи на клиника за естетска медицина, а неодамна откри дека обуката ќе ја продолжи на Воено-медицинската академија во Белград.
Познатиот пејач не крие дека тој и неговата сопруга Билјана се многу горди на трите миленички.
– Сите три секој ден ме прават горд татко. Јас и Билјана сме му благодарни на Бога за луѓето во кои се претворија нашите ќерки. Морам да признаам дека завршивме одлична работа како родители – изјави еднаш Ацо Пејовиќ.