Манекенката Каја Гербер, ќерка на супермоделот Синди Крафорд, заслепи со својата убавина на Годишната гала на музејот на академијата во Лос Анџелес, која беше преполна со познати лица.
Иако во слободното време најчесто ја гледаме во лежерни комбинации, Каја сега остави без здив со својата убавина.
Каја, за која сите предвидуваат дека би можела да ја надмине кариерата на нејзината мајка Синди, изгледаше прекрасно во прекрасен фустан (потпишан од познатата модна куќа Celine) без прерамки и со ретро дезен со точки, на кој голем фан е и модната икона – Кејт Мидлтон.
Едноставната фризура и природната шминка го заокружија ова гламурозно издание на убавата бринета, чиј дечко е актерот Остин Батлер, а беше забележан по улогата во познатиот филм „Елвис“.
Каја (22) го надгради својот впечатлив вечерен фустан со впечатливи дијамантски обетки (Tiffany) и голем прстен.