Рецептот за ова одлично мезе ќе ви послужи како идеја за брза подготовка на вашиот неделен појадок.
Состојки:
* багет
* 150 гр печурки
* 200 гр моцарела
* маслиново масло
* чешне лук
* сол
* бибер
Подготовка:
Исечете го багетот на парчиња. Секое парче леб истријте го со лук, а потоа посипете со маслиново масло.
Кратко потпечете ги парчињата леб во рерна.
На маслиново масло испржете ги печурките исечени на листови. На секое парче леб ставете по две кришки моцарела и малку пржени печурки.
Зачинете со сол и бибер.
Брускетите печете ги на 200 степени додека да се растопи кашкавалот.
На здравје!