Видео од неодамнешниот настап на Наташа Беквалац на кое таа беше во фустан без градник предизвика лавина коментари и реакции, а пејачката реши да одговори на својот Инстаграм профил.
Имено, многу луѓе забележаа дека пејачката ги намалила градите – односно ја откажа претходната естетска операција за зголемување – поради што беше предмет на лавина коментари, претежно негативни.
Наташа реши да одговори и рече: „И вака 25 години, со вас ги поминувам сите фази од мојот живот, секој пад, секој успех, дефекти и бродоломи и повторно станување“.
Таа откри дека зад себе имала тежок период: „Поминав низ период кој не беше лесен и решив да го поминам сама и во тишина. Ви благодарам за вашите прекрасни пораки и за грижата, со вас секогаш се чувствував безбедно и сигурно. Сега сум одлично, се чувствувам добро, силно, стабилно“.
„Драги мои жени, ние не сме нашите гради, задници, коса, кожа – ние сме енергија, вибрации, љубов и сè што нè доведе до тоа да бидеме жените што сме денес. Ослободете се од сè што повеќе не е ваше, фрлете сè што ве стега и боли. Јас го направив тоа. Се подготвувам за нова фаза од мојот живот и едвај чекам да го чуете тоа. Растеме заедно. Со љубов и почит, вашата Наташа“, сподели Наташа.
Порано, таа призна дека се каела за споменатата естетска процедура: „Направив операција на градите и се покајав. Да имав временска машина, никогаш не би го направила тоа, би останала природна. Секогаш има некои компликации секогаш кога има естетска операција“.