Пејачката Александра Пријовиќ деновиве е главна тема на медиумите во Србија, но и во регионот.
Имено, таа неодамна ја започна својата регионална турнеја „Од исток до запад“, одржувајќи три последователни концерти во белградската Штарк Арена.
После тоа распродаде три Арени во Загреб и закажа четврта, распродаде два Чаира во Ниш, а закажа втор концерт во сараевска Зетра. За многумина е неверојатно како Пријовиќ успеа да постигне ваков успех на само 28 години, а за неа се зборуваше дури и во Дневникот на Хрватската телевизија.
Како што пренесува „Ekskluziva.ba“, Александра испиша историја закажувајќи го својот втор концерт во сараевска Зетра.
View this post on Instagram
Имено, концертот е закажан за 29 октомври, а српската пејачка е првата која успеала да закаже два последователни настапи во оваа сала. Според гореспоменатите медиуми, тоа не им успеало ниту на „Бијела Дугме“ за време на нивната најголема популарност, а ова ќе биде првпат некој во Зетра да одржува концерт ден за ден.