Бора Ѓорѓевиќ (71), фронтменот на групата „Рибља чорба“, неодамна сподели интимни детали од својот живот. Тој ги откри своите ставови за староста, болестите, љубовта кон сопругата Дубравка и маките низ кои минува моментално.
Во емисијата на Мира Адања Полак, Бора Чорба го отвора срцето и зборувал за предизвиците кои ги носат староста и болестите. Неговата искреност укажува на тоа дека се соочува со тешкотии, но тој храбро продолжува напред.
Преку текстот на новата песна тој го изразува својот однос кон околината, нагласувајќи ја потребата од емотивна дистанца. Можеби тоа е последица на животни искуства или моментална емоционална состојба, но тоа е негова ретроспектива.
„Слушнете ја мојата нова песна. Навистина не ми се допаѓа тоа што стареам, станувам мрзлив старец, не живеам, само ‘животарам’ и патам од разни болести. Овде се чувствувам како странец, додека ги одработувам последните денови, ги држам сите луѓе на дистанца и самиот на себе си досадувам“, изјавил Бора во свој стил.
Бора Чорба зборувал за минатите времиња, нагласувајќи дека му се чини дека младоста била поубава. Сепак, тој наоѓа радост и убавина во сегашната фаза од својот живот, уживајќи во својата старост.
„Веројатно ќе умрев некаде по пат да не дојдев во Словенија бидејќи премногу дивеев. И тоа има свои добри страни, но јас малку претерав. Ова го сфатив кога некои мои делови престанаа да работат, а немаше резервни. Не реагирав веднаш, се опуштив. Човекот прво мисли: „Ќе терам додека можам“, воопшто не се загрижив. Сега знам до кого сум и кој ме сака и дека има смисла да се трудам да трае што подолго, за да потрае и оваа љубов“, објасни Бора на шега и додаде „секогаш ми изгледа поубаво она што било некогаш. Сепак, имам добра старост, уживам овде“.
Покрај предизвиците што ги носи староста, тој се осврнува и на љубовта кон сопругата Дубравка. Се сеќава на моментот кога сфатил дека таа е таа и како двајцата ја пронашле љубовта.
„Кога ја видов Дубравка, знаев дека таа е таа“, заклучил познатиот рокер.