СТАНДАРД life
БИЗЛАЈФ

Се продава Порше на Марадона на аукција

Автомобил Порше во сопственост на фудбалската легенда Диего Марадона беше ставен на аукција со проценка од 180.000 до 240.000 американски долари.

Сребреното Порше 911 му беше доставено на Марадона во ноември 1992 година, кога тој играше за шпанска Севиља во текот на неговата последна сезона во Европа.

По смртта на Аргентинецот на 60-годишна возраст минатата година, реткиот автомобил се нуди за прв пат на продажба како дел од аукцијата на аукциската куќа Bonhams во Париз, која ќе трае од 3 до 10 март.

Според Bonhams, автомобилот развива максимална брзина од 260 км на час и беше еден од само 1.200 произведени во тоа време за две години.

Автомобилот е во сопственост на неговиот сегашен сопственик од 2016 година и има поминато скоро 120.000 км, пишува Си-Ен-Ен Бизнис.

Поршето на Марадона беше претставено во Вихте, Белгија минатиот месец, пред автомобилот да биде ставен на аукција.

Поврзани вести

6 начини да се опуштите по напорниот работен ден

Влатко Зорба

Пандемијата „уби“ 2.000 пабови: Луѓето навикнаа да пијат дома?

Влатко Зорба

Никој не обрнува внимание еден детал при испраќање на CV, а во 80% од случаите тоа влијае на работодавачот

Влатко Зорба