Германскиот производител на автомобили Фолксваген, соопшти дека следната недела продолжува со производство на погони за патнички возила во Европа.
Првата фабрика, со седиште во Волфсбург, ќе започне со работа во Германија и Словенија.
Останатите фабрики на Фолксваген во САД, Португалија, Шпанија и Русија ќе продолжат со работа по 27 април.
Фабриките во Јужна Африка, Аргентина, Бразил и Мексико ќе започнат со работа во мај.
Голем број од фабриките во Кина веќе продолжија со работа.
Брендот на Фолксваген, Ауди почна со ограничено производство на мотори во Унгарија, но главниот погон во оваа држава се уште не е отворен.
Главниот извршен директор на Фолксваген, Ралф Брандстатер истакна дека различните одлуки на владите за укинување на мерките воведени за спречување на вирусот влијаат на постепеното отворање на фабриките и додаде дека компанијата развила мерки за заштита на здравјето на вработените.