Стандард
ЕКОНОМИЈА

„Мудрецот од Омаха“ се обложува против американската економија?

Со години, легендарниот инвеститор Ворен Бафет се спротиставува на златото како категорија на инвестиции.

Се чини дека работите се менуваат. „Беркшир Хатавеј“ купил околу 21 милиони акции на „Берик голд“ во вредност од 563 милиони долари. Во исто време, оттаму ги продале акциите на „Велс Фарго“ и „ЈП Морган“, две американски банки.

Овој потег предизвика лавина коментари во американската инвестициска заедница. Некои, како што е познатиот портал „Зиро Хеџ“, одат толку далеку што се подготвени да кажат дека овој пат Бафет се обложува против американската економија. Затоа што, како на друго место да се објасни фактот дека „мудрецот од Омаха“ продава акции на големи американски банки, темел на американската економија, која е заснована на заеми, и купува акции од рудници за злато.

Но, и покрај продажбата на акциите на „Велс Фарго“ и „ЈП Морган“, „Беркшир Хатавеј“ сè уште е длабоко во банкарскиот сектор, особено во „Банката на Америка“, каде со години вредно собира акции.

Мајк Шедлок од „Ситка Пацифик“ размислува поинаку од порталот „Зиро Хеџ“. Тој рече дека Бафет едноставно ги разбира финансиските пазари и нивната турбуленција за време на пандемијата на коронавирус, пренесува „Сибиз“.

„Од друга страна, „Берик Голд“ плаќа дивиденда и сè уште е само мал дел од портфолиото на Бафет“, рече Шедлок во изјавата за „Си-Ен-Би-Си“.

Шадлок го гледа овој потег на Бафет како краткорочен сигнал. Сепак, акциите на „Берик голд“ скокнаа осум проценти по објавувањето за купување од страна на Бафет.

Поврзани вести

Минималната плата за март ќе се зголеми за околу 400 денари

Влатко Зорба

Од полноќ повисоки цени на горивата

Берта Китинска

ММФ ја ревидира стапката на раст за македонската економија

Влатко Зорба
error: Превземањето на содржина без дозвола од авторот е дело казниво со закон!!!