Неопходно ќе биде воведување на корона-данок, по примерот на воениот данок од 2001- ва, вели професорот по економија на УКИМ Скопје, Борче Треновски во емисијата „Стадион” на Радио Канал 77.
– Неопходно ќе биде воведување на корона-данок, по примерот на воениот данок од 2001- ва, и радикално реформирање и реструктуирање на стопанството, но и на образованието кое треба да се припагоди на новото време, новите технологии и трендови. Поуките кои веќе се наѕираат и ќе бидат потврдени од анализите што се прават и претстојат велат дека пандемијата само го забрза тој процес на промени кој ќе доведе до нова структура и потреби на пазарот на ттруд. Некои профили и професии ќе се засилат, се појавуваат нови, а некои целосно ќе изумрат, вели Треновски.