Договорот со ОПЕК плус, кој ќе стапи во сила во мај, ќе даде поттик пазарот постепено да се нормализира, но не би требало да се очекува некој значителен пораст на цените на нафтата во скоро време, според рускиот министер за енергија Александар Новак.
Тој додаде дека причина за ова е прекумерната акумулација на нафта заради малата побарувачка како резултат на кризата предизвикана од ширењето на коронавирусот.
Нормализацијата на пазарот може да се очекува во втората половина од годината паралелно со зголемената побарувачка.
Новак исто така рече дека Министерството за енергетика гарантира дека нема да има дефицит на гориво во Русија, без оглед на развојот на состојбата на пазарот.