Стандард
ЕКОНОМИЈА

НУК: За чиј интерес е формиран Комитетот за туризам?

„Кој, со кого и на кој начин договарал формирање на Комитет за туризам и кои се тие што си земале за право и одлучиле да се игнорираат и да не се номинираат Независната угостителска комора, Стопанската комора на туризам на Македонија и повеќето македонски здруженија за туризам и угостителство. Зошто им е одземено договореното и ветено право рамноправно да учествуваат во формирањето на овој комитет и да имаат право да предложат свои членови и заменици на членовите на Комитетот за туризам?“, прашуваат денеска од Независната угостителска комора (НУК).

„Кој тоа одлучи и како може да членуваат покрај комори и некоиси здруженија кога постојат релевантни комори од туристичко угостителската дејност и други соодветни здруженија кои дале свои допринос во унапредување на туризмот и утостителството и кои биле веќе рамноправни членки во постојните координативни тела кои работеле во склоп на Министерството за економија.

Како тоа иницијаторот Здружението за туризам и угостелство при Стопанската комора на Македонија кој молеа за поддршка за заедничко формирање на овој Комитет како највисоко тело во кое треба да учествуваат сите комори и релевантни здруженија и бараа поддршка за разрешување на директорот на Агенцијата за промоција и поддршка на туризмот одеднаш се најдоа заеднички први на листата на членови во ново формираниот Комитет за туризам

Во месец Октомври Здружението на угостителство и туризмот при Стопанската комора на Македонија, Туристичко-угостителска комора на Македонија во рамки на Сoјузот на стопански комори на Македонија и Националната асоцијација за дојдовен туризам – НАИТМ укажувајќи на некооперативност, дисфункционалност, односно непродуктивност на ресорната институција одговорна за промоција и поддршка на туризмот побараа разрешување на директорот на Агенцијата за промоција и поддршка на туризмот – Г-динот Љупчо Јаневски и избор на нов директор на предлог на реалниот сектор преку стопанските комори и туристичките асоцијации. На молба и барање за поддршка од Здружение на угостителство и туризмот при Стопанската комора на Македонија кон барањето за смена на директорот се приклучи и Независната угостителска комора со дополнување кон барањето и иницијатива на промена на името на агенцијата во АГЕНЦИЈА ЗА ПРОМОЦИЈА И ПОДДРШКА НА ТУРИЗМОТ И УГОСТИТЕЛСТВОТО.

Со барање за разрешување на директорот Љупчо Јаневски од коморите и здруженијата до Владата беше поднесена и иницијатива за итно да се конституира Комитетот за туризам и угостителство, како и што бил првиот назив на ова тело конституирано со Уредба за оснивање Комитет за туризам и угостителство на Владата на Народна Република Македонија („Службен весник на НРМ” бр. 30/48). Како ново формирано владино тело од највисок ранг Комитетот треба да ги разгледува предложените мерки, студии, проекти од областа на туризмот и угостителството кое ќе дејствува како механизам за изнаоѓање решенија и надминување на пречките за развој на туризмот и угостителството особено во кризни ситуации.

Денес сме сведоци на бескруполозно владеење и злоупотреба на функции на одредени Владини претставници во координација и соработка со претставниците на одредени комори во донесување на одлуки за зачувување на лични интереси, а не за демократско учество и грижа на јавните интереси во случајот на интересите на целокупната угостителска индустрија при донесување на одлуката за членки односно претставници во формирање на овој Комитет.

Бараме и очекуваме од Претседателот на Влада Зоран Заев на следната наредна седница веднаш да ја исправи грешката која одредени претставници на Владата ја направиле со игнорантскиот однос и да се извршат корекции на членот 6 од Одлуката за формирање на Комитет на туризам и покрај наведените членови и заменици на членовите да се наведат и членови на НЕЗАВИСНАТА УГОСТИТЕЛСКА КОМОРА, СТОПАНСКАТА КОМОРА НА ТУРИЗАМ НА МАКЕДОНИЈА и членови на македонските здруженијата ОХРИДСКИ ЕСНАФ од Охрид, ТИКВЕШКИ УГОСТИТЕЛИ од Кавадарци, АНТИГОНЕА од Неготино, КЛУБ ЕСНАФ од Битола, ЗУТ КРУШЕВО и ПРИЛЕПСКИ МЕАНЏИИ од Прилеп со кои заеднички допринесувавме изминатиот период во унапредување на туризмот и угостителството во Македонија.

Воедно бараме и очекуваме називот на Комитет на туризам да се промени во КОМИТЕТ ЗА ТУРИЗАМ И УГОСТИТЕЛСТВО со што комитетот во своето работење реално ќе ја опфати целокупната туристичко угостителска индустрија“, истакнуваат од НУК.

Поврзани вести

Можна соработка со Турција во областа на земјоделството

msp-admin

Северна Македонија ќе стане членка на Организацијата за црноморска економска соработка во 2020 година

Влатко Зорба

Франција забележа историски пад на БДП од 13,8 проценти во вториот квартал

Stefanija Kuzmanovska