ЕКОНОМИЈА

Секој Американец должи 70.000 долари

Американскиот национален долг е најголем во историјата, откако го надмина износот од 26.000 милијарди, или 26 трилиони долари.

Кога ќе се пресмета јавниот долг во однос на бројот на жители, излегува дека секој Американец должи околу 70.000 долари, односно долгот е околу 179,000 долари по домаќинство.

Зголемувањето на долгот е последица на кризата предизвикана од пандемијата со коронавирус.

Американската администрација одобри околу 5 трилиони долари од март за фонд за ублажување на економските последици од пандемијата.

Не е само долгот проблем за американската економија, туку и буџетскиот дефицит. Во текот на првите осум месеци од фискалната година (која трае од 1 октомври до 30 септември), буџетскиот дефицит достигна 1,88 трилиони американски долари, или 1,880 милијарди американски долари, повеќе од кој било годишен дефицит на буџетот во историјата на Америка.

Заради споредба, дефицитот за целата фискална 2019 година изнесуваше 738,6 милијарди долари, додека сега е за двапати поголем за 8 месеци.

Долгот на САД расте со години, но врвот на растот се должи на пандемијата на вирусот.

Според фондацијата „Питер Петерсон“, Соединетите држави трошат 1 милијарда долари на ден само на камата на националниот долг.

Долгот на САД во вторникот на 9 јуни изнесуваше 26,003,751,512,345 долари, според податоците на американското Министерство за финансии.

Поврзани вести

Загрозени 29.000 вработени во угостителството, бараат помош од државата

Ангеловска: Одобрени се 2 милиони евра за 117 фирми во кои работат 3 001 вработен

Премиерот Заев: Изградбата на сточарска фарма во Прилеп ќе придонесе во развојот на сточарството

Ако има втор бран на коронавирусот, пад на светскиот БДП од 7,6 отсто

Stefanija Kuzmanovska

Економист на „Дојче Банк“: Веќе нема слободен пазар

Stefanija Kuzmanovska

Шилегов: Во тек е постапката за обезбедувањето на финасиската поддршка на ГЕС

user3