СТАНДАРД life
ЕКОНОМИЈА

УЈП ја заокружи исплатата на ДДВ на физички лица за второто тримесечје од годинава

Управата за јавни приходи (УЈП) информира дека ја заокружи исплатата на повратот на дел од ДДВ искажан во фискалните сметки на физичките лица, за второто тримесечје.

-Во месеците април, мај и јуни 2020 година 304472 лица скенирале 41.650.814 фискални сметки со што е остварен промет од 21.414.380.426 денари. За ова тримесечје исплатен е поврат од 268.763.538 денари на 236 493 лица кои скенирале фискални сметки и кои имаат наведено точни податоци во Апликацијата МојДДВ, соопштуваат од УЈП.

 

За корисниците на апликацијата кои имаа наведено трансакциска сметка од Еуростандард Банка исплатата на повратот беше стопирана и таа ќе се изврши откако ќе ги ажурираат податоците односно ќе наведат трансакциска сметка од друга банка.

 

Управата за јавни приходи апелира и до сите граѓаните корисници на апликацијата МојДДВ да внесат точни податоци како би се извршила исплатата на повратот на дел од ДДВ искажан во фискалната сметка.

Најчести причини поради кои не е извршена исплатата се: погрешно внесена трансакциска сметка, внесена трансакциска сметка на друго лице, а не на корисникот на апликацијата, или е внесен бројот на платежната картичка наместо број на трансакциска сметка.

Поврзани вести

Бислимоски: Нема да се зголемува цената на струјата на регулираниот пазар

Ампева: Работничка од Куманово ја доби првата кривична пресуда за кршење права во корона-криза

Берта Китинска

Просечната плата во технолошко-развојните зони е пониска во однос на просечната плата во македонската економија

Влатко Зорба