Едноставните јадења кои брзо се подготвуваат се одличен предлог за лесен летен оброк. Наш предлог за денес е да направите печен зеленчук прелиен со јајца и сирење.
Вака приготвениот зеленчук не само што е вкусен и ќе го сака целото семејство, туку и лесно и брзо се подготвува, а и заситува.
Состојки:
* 1-2 тиквички
* 1 кромид
* 1-2 моркови
* 150 гр чери домати
* сол, бибер, мелен црвен пипер
* 5 јајца
* 150 мл крем за готвење
* 80 гр брашно
* 150 гр сирење
Подготовка:
* Тиквичките исечкајте ги на прстени, па наредете ги во сад за печење обложен со хартија за печење. Зачинете со сол, бибер и посипете со мелен црвен пипер. Се пече на 180°C околу 10 минути.
Потоа во тава испржете ги крупно исечканите кромид и морков исечени на прстени. Во огноотпорен сад наредете ги печените тиквички и испржениот кромид со моркови, наредете ги чери доматите исечени на половина, па прелијте ги јајцата кои сте ги изматиле со кремот за готвење и брашното.
Се пече во рерна на 180°C околу 20 минути.
Кон крајот посипете со рендано сирење и печете додека не се растопи.
На здравје!