Знаеме дека кога станува збор за тестото, ништо не може да ги замени меките кифлички, па ви пренесуваме рецепт за нивната посна верзија.
Состојки:
* 550 гр брашно
* 1 свеж квасец
* 4 дл вода
* 1 лажица шеќер
* 1 лажица сол
* по желба лен, сусам, ким
Подготовка:
Вклучете ја рерната да се загрее на 220 степени. Во поголем сад просејте го брашното, на средина направете „дупка“ и внатре посипете го квасецот.
Одозгора посипете една лажичка шеќер, а солта распоредете ја по работ на брашното. Истурете млака вода и замесете меко тесто. Покријте и оставете да одмори додека не се удвои во големина. Промешајте, па повторно поклопете и оставете уште еднаш да нарасне.
Ставете на набрашнета површина, замесете и поделете на 16 дела. Секоја од нив се витка во форма на елипса, па се витка како ролат и се става на плех обложен со хартија за печење. Од лен или сусам, малку брашно и вода, направете течна смеса со која ќе се премачкаат кифличките (наместо жолчки).
Се пече во загреана рерна на 220 степени околу 10 минути, па се намалува на 200 степени и се пече уште 10 минути.
На здравје!