Пилешкото месо во сос од мед и лук е одлична идеја за вкусен и брз ручек.
Потребни состојки:
– 700 гр. пилешки гради
– 2 лажици масло за јадење
– 3 лажици мед
– 3 лажици соја сос
– 3 чешниња лук
– сол и црн бибер
– сусам, кикирики, магдонос (по желба)
Начин на подготовка:
1. Загрејте го маслото за јадење во подлабока тава на среден оган.
2. Исечкајте го пилешкото месо на коцки и додајте сол и бибер, но внимавајте бидејќи соја сосот е доволно солен. Пржете 5 минути од сите страни.
3. Направете ја глазурата: во еден сад измешајте го медот, соја сосот, ситно исечканиот лук и по желба малку лута пиперка.
4. Ставете ја смесата во тавата и добро промешајте за да ги обложи парчињата пилешко. Гответе уште 4-5 минути.
5. Послужете со варен ориз, пире или динстан зеленчук и по желба посипете со сусам, издробени кикирики и магдонос.