Гулашот е еден од омилените специјалитети, но бидејќи почна периодот на постот, добро е да се најдат алтернативни опции за вакви вкусни јадења.
Гулашот од печурки е една од тие замени, а доколку сте љубители на ова јадење, сигурно ќе ја подготвите и оваа посна варијанта.
Рецептот е едноставен и не бара многу време за подготовка, па ќе уживате во подготовката.
Состојки :
* 450-500 гр печурки
* сецкан црвен пипер
* голема шолја сок од домати, ако имате домашен е уште подобро
* голема главица кромид
* една лажица црвен пипер, може да биде и лут
* сол и црн бипер
Подготовка:
Печурките исчистете ги и исечете ги на четвртинки.
Следно, излупете го кромидот и исечете го на ситни коцки, а потоа црвената пиперка.
Пропржете ги овие состојки на средна топлина додека не поруменат, а потоа додадете малку сол и бибер. Промешајте додека зеленчукот се динста, а потоа додадете го црвениот пипер.
Доколку истече течноста од печурките, слободно додадете малку вода.
Додадете го сокот од домати и покријте ја тавата. Оставете да врие 15 минути на средна или ниска температура.
На здравје!