Тимоти Шаламе билподучен од врвен учител по пеење додека се подготвувал да ја преземе улогата на Вили Вонка по Џин Вајлдер и Џони Деп во новиот филм заснован на приказната за „Чарли и фабриката за чоколади“.
Младата ѕвезда, кој се прослави со неговите улоги во филмовите „Dune“ и „Call Me by Your Name“, ја игра помладата верзија на сопственикот на фабриката за чоколади.
„Беше предизвик бидејќи тоа е сакан лик и луѓето се многу заштитнички настроени кон ликовите што ги сакаат и повторно скептични за римејковите во Холивуд. Но, мислам дека завршивме одлична работа. Многу сум среќен со овој филм“, изјави Шаламе за Ројтерс на светската премиера на „Вонка“ во лондонската кралска фестивалска сала.
28-годишниот Шаламе го подучуваше Ерик Ветро, одличен учител по пеење кој предава на познати пејачки имиња како Аријана Гранде, Џон Леџенд и Кети Пери. „Имаше многу вежбање, многу часови по пеење со Ерик Ветра во Лос Анџелес, многу работа“, призна Шаламе, подготвувајќи се за музичките изведби во филмот.
Во филмот, базиран на романот на британскиот писател Роалд Дал, „Вонка“ се враќа во измислениот град по неколку години поминати на море. Градот е дом на најдобрите светски производители на чоколада, па и Вонка се надева дека ќе отвори своја продавница. Во обид да го исполни својот сон и додека се бори против моќниот чоколаден картел, тој се спријателува со девојче сираче, необично мало суштество со портокалова кожа и зелена коса – по име Умпа Лумпа, кое го игра Хју Грант.
„Има многу непознати во романот на Роалд Дал за тоа што Вили правел пред да ја отвори фабриката за чоколади, па мислевме дека ако тргнеме од тие индиции ќе направиме нешто со што (авторот на романот) Роалд Дал ќе се гордее“, изјави Сајмон Фарнаби, кој го напиша сценариото заедно со режисерот Пол Кинг.
„Вонка“ ќе се отвори ширум светот во декември.