Кинески инвеститори размислуваат за изградба на рафинерија за нафта во вредност од 2,6 милијарди долари (2,1 милијарди евра) во српско Смедерево, објави Српскиот совет за соработка со Русија и Кина.
Проектот ќе се дискутира со работната група формирана од српската влада и може да започне во април ако биде постигнат договор за сите прашања, се вели во соопштението на Советот во петокот.
Градежните работи се очекува да траат четири години, соопшти Советот.
Рафинеријата ќе произведува горива според еуро 6 стандардите.
Компании од Германија и САД ќе учествуваат во производството на опрема за рафинеријата.