Стандард
КОМПАНИИ

Колективна тужба против Amazon: Ги „надувал“ цените на е-книгите?

Читатели во неколку американски држави поднесоа колективна постапка против малопродажниот интернет гигант Amazon.

Како што тврдат, Amazon, во договор со група издавачи, ги „надувал“ цените на електронските книги.

Во тужбата се тврди дека Amazon и издавачките куќи Penguin Random House, Hachette, HarperCollins, Macmillan и Simon & Schuster преговарале за цените на е-книгите, со што потрошувачите плаќаат повеќе за нив кога купуваат на други платформи.

Околу 90 проценти од електронските книги се продаваат преку Amazon, најголемиот американски продавач, се посочува во тужбата поднесена од адвокатската фирма Хагенс Берман, пренесе „Индекс“.

Слична тужба беше поднесена од адвокатската фирма во 2011 година против Apple и „големата петорка“, исто така, поради сомнежот дека тие преговарале за цените на електронските книги.

Amazon за Ројтерс не сакаше да ги коментира информациите за тужбата.

Во средата, државата Конектикат објави дека покрена истрага против Amazon под сомнение за нарушување на еднаквата пазарна конкуренција во бизнисот со продажба на дигитални книги.

Поврзани вести

100 милиони работници ќе треба да бараат нова работа во западните земји

Влатко Зорба

ЕУ започна нова истрага за бизнисот со Apple

msp-admin

PayPal ги блокираше сметките на организаторите на немирите во Вашингтон

Влатко Зорба