Над 187.000 граѓани со домашните платежни картички потрошиле 10.7 милиони евра преку над 660.000 реализирани трансакции, соопшти министерката за финансии, Нина Ангеловска.
Заклучно 8 јули имаме 187.768 активни домашни платежни картички. За 3 недели околу 11 милиони евра се вбризгани во економијата преку зголемената потрошувачка од граѓаните со домашната платежна картичка, вели таа.
Со тоа:
* се поддржуваат македонските производи и услуги
* се поддржуваат граѓаните
* се поттикнува економската активност
Исто така, расте и безготовинското плаќање, а со тоа се влијае и на намалување на сивата економија. Најмногу со картичките се пазари во супермакетите, или согласно податоците кои ги добивме од дел од банките преку 90% од транскациите се таму. Во меѓувреме, во тек е втората фаза на разгледување на приговорите. Дел од граѓаните досега добија одговори, па и картички за уважените приговори, а дел од граѓаните допрва ќе добијат, посочува министерката.