На штотуку отворениот саем за автомобили во Пекинг, светски познатите производители, вклучувајќи ги Форд, Нисан и БМВ, ги претставија своите нови електрични модели за кинескиот пазар, кои имаат зголемен опсег на движење.
Меѓу светски познатите, има многу амбициозни кинески брендови. Така, на пример, Geely Auto претстави неколку електрични модели со декларирана автономија од над 500 километрисо едно полнење.
Тоа е првиот голем саем во која било индустрија во Кина што се одржува од избувнувањето на пандемијата КОВИД-19, поради што се во сила вообичаените превентивни мерки, додека прес-конференциите се одржуваат преку меѓународна видео врска.
Кина е прва меѓу водечките економски сили во светот која започна да се опоравува од економските последици од пандемијата, па производителите на автомобили се надеваат дека ќе ја зголемат продажбата на тој пазар и ќе го свртат трендот што им донесе загуби од милијарди долари, посочи АП.
Саемот наречен „Авто Кина 2020“ требаше да се одржи во март, но беше одложен поради пандемијата.