Андреј Ѓорѓиески, македонски музичар и продуцент, член на музичката група „ДНК“ е роден на 9 февруари 1982 година во Скопје.
Да беше жив, Андреј Ѓорѓиески, односно Андреј од „ДНК“, како што го викаа сите пријатели и обожаватели, денеска ќе наполнеше 44 години.
Неговата сопруга Наталија Ѓорѓиеска, ретко споделува спомени со својот сакан сопруг, откако го загуби во ужасната трагедија во Кочани на 16 март минатата година.
Денеска, на првиот роденден по неговата смрт, Наталија сподели фотографија од плажа, снимена на зајдисонце, на која Андреј стои во далечината, а во позадина на објавата оди песната „Север и југ“ од „ДНК“.
„Твојот роденден“, напиша Наталија во објавата, покрај која ставила емотикон од пар кој се прегрнува и бел гулаб што лета.
Андреј и Наталија беа во брак 10 години.