Македонскиот музичарот Никола Јанков познат како Коки во чест на својот пријател и колега Душан Љубисављевиќ познат како Дуле на 15 септември ќе одржи концерт во Домот на млади во Штип една недела пред 10-годишнината од смртта на неговиот колеги и пријател Дуле.
Јанков на својот инстаграм профил официјално го најави концертот. Тој и неговиот бенд ќе ги евоцираат спомените од едно време полно со насмевки и музика, време кога „Дуле и Коки“ ги имаа едни од најголемите хитови на нашата естрада.
Двајцата оставија белег на музичката сцена со хитовите „Виолина и гитара“, „Марама“, „Колку треба да се плати“ и други.
Да потсетиме пред три години, на годишнината од смртта на Дуле, Коки напиша писмо кое го објави на социјалните мрежи.
„Сè ми доаѓа дека од некаде ќе се појавиш, и тоа најчесто ми се случува додека свирам … Можеби дури сега сфаќам дека навистина те нема … Да знаеш дека не престанувам со музика, иако многу пати ми има дојдено да баталам се, ама има песни кои треба да се пеат и свират. Помладите поим немаат кои биле Дуле и Коки, ама песните ги знаат, на глас – помеѓу другото напиша музичарот во емотивното писмо“.
View this post on Instagram