Ана Петановска и Дадо Топиќ ја освоија наградата „Златен бисер” на фестивалот „Бисер на Јадранот” кој се одржа во Тиват, Црна Гора.
За композицијата „Небо” музиката ја компонираше Григор Копров, текстот на Дадо Топиќ, а аранжманот Стефан Петановски.
Македонските автори Дарко Димитров и Роберт Билбилов пак ја добија наградата за најдобар аранжман за песната „Одлазим” (Павле Васиљевиќ).
Извонреден настап и одличен впечаток остави Огнен Здравковски со композицијата „Нема те” (музика и аранжман Димитар Андоновски), стои во соопштението на организаторите.