СТАНДАРД life
МК Сцена

„Ристо Шишков“ за Симонов за улогата на Павле во претставата „Лагата“

Жири-комисијата на 31. Меѓународниот фестивал на камерен театар „Ристо Шишков“ во состав: Дарја Ризова, претседател, Мими Таневска и Иван Додовски, членови, едногласно ја доделија престижната награда за највисоко актерско остварување „Ристо Шишков“ на актерот Јордан Симонов за улогата на Павле во претставата „Лагата“ од Флоријан Зелер, во режија на Бесфорт Идризи, а во продукција на Македонскиот народен театар од Скопје.

Како што истакна жири-комисијата, Јордан Симонов, со внимателно избрани актерски средства, успева да оствари моќна и осмислена улога. Тој покажува особено чувство за партнерска игра и вешто го води ликот, кој во себе крие тајни, од привидна наивност до длабока перфидност. Со својата способност за трансформација, Јордан Симонов доминира на сцената, субверзивно поигрувајќи си со очекувањата на публиката, на работ меѓу комичното и неверојатното, меѓу лагата и вистината.

Уште еден во низата на актери од ансамблот на Македонскиот народен театар ја пишува историјата на овој престижен фестивал.

Поврзани вести

Коцевска, Travel инфлуенсер: Сум посетила над 30 земји, но најголем интерес и најмногу споделувања добиваат содржините од Македонија

Urednik

🎥„Очи Вселена” на Сара Мејс доби видео запис

Urednik

Скопје домаќин на првата интернационална конвенција за тетовирање

Urednik