Германските медиуми објавија детали за алиментацијата што поранешниот фудбалер Бастијан Швајнштајгер треба да ѝ ја исплати на својата поранешна сопруга, поранешната српска тенисерка Ана Ивановиќ.
Ана поднесе барање за развод од Бастијан во судот во Мајорка.
„Судијата ја одреди месечната алиментација на 15.000 евра по дете, повеќе од половина милион годишно. Тоа е околу девет просечни бруто годишни плати за вработените со полно работно време во Германија“, рекол извор за порталот „Бунте“.
Како што е наведено, износот на алиментацијата бил утврден како дел од таканаречената привремена мерка пред судска постапка. Ова е вообичаена практика во Шпанија кога двојките имаат малолетни деца.
Ана Ивановиќ и Бастијан Швајнштајгер имаат три деца: осумгодишниот Лука, петгодишниот Леон и двегодишниот Тео.
Извори велат дека таа поднела барање за развод откако дознала дека тој ја изневерил. Таа нашла утеха во своето семејство во тешките времиња, додека тој не е премногу вознемирен и ужива во врската со својата нова партнерка – Бугарката Силва.