Сега, кога се приближува до средината на 50-тите, Џенифер Анистон изгледа исто толку добро како кога за прв пат се појави на „Пријатели“ пред речиси 30 години. Како таа го прави тоа?
Иако има доволно пари да си го дозволи најдоброто од најдобрите кога се во прашање здравјето и убавината, познатата актерка тврди дека се работи за добрите навики кои и помагаат да остане здрава.
„Се работи за долговечноста. Привилегија е да старееме, но не мора да се разболуваме. Сакам да уживам во годините во кои сум и да не гледам на стареењето како на нешто негативно, туку како на привилегија. Сите старееме“, рече Анистон.
Актерката претходно зборуваше за тоа колку добро се чувствува по вежбањето: „Се грижам за моето тело, ендорфините ми се креваат, а крвта циркулира низ моите вени“.
Во интервју за Vogue таа откри и дека наутро се воздржува да не гледа во телефонот. Не го користи првиот час по будењето.
„Тоа прави голема ментална разлика што влијае на целиот ден. Полначите ги чувам во фиока, на шест метри од креветот и имам малку постар iPhone што го користам само за аларми и апликации за спиење“, објасни таа.
Генерално социјалните мрежи ги смета за токсични, па затоа се држи настрана од нив. Кога станува збор за козметички производи, таа не соработува со ниту еден бренд на кој нема доверба.
„Не сакам да бидам лице на нешто ако тоа не е дел од мојата секојдневна рутина. Тоа ми е многу важно“, рекла таа.
Џенифер Анистон конечно најде место каде што е навистина среќна