Актерот Арнолд Шварценегер ги воодушеви своите следбеници на Инстаграм со фотографија со добар пријател која неодамна ја објави.
Имено, Арнолд позираше во друштво на легендарниот актер Дени Де Вито и неговата ќерка Луси ДеВито, а фотографијата многумина потсети на комедијата „Близнаци“ од 1988 година во која глумеа заедно.
„Мојот брат! Беше фантастично да се види Дени на Бродвеј во I Need That. Тој, Луси и сите вклучени ја забавуваа публиката, ја насмеаа и уживаа во секоја минута – една од најдобрите претстави што сум ги видел, вистински спектакл“, напиша Арнолд во описот и го пофали новиот потфат на својот пријател.
По одличниот филм „Близнаци“, Арнолд и Дени веќе извесно време планираа да снимат продолжение, а проектот се работеше некое време, но беше одложен откако режисерот на оригиналниот филм, Иван Рајтман, почина на возраст од 75 години во февруари 2022 година.
Рајтман требаше да се врати во продолжението, во кое браќата ќе откријат дека се тројки, па новото продолжение ќе се вика „Триплети“.
Имаше знаци дека Еди Марфи ќе се приклучи на екипата на продолжението, а неодамна стана јасно дека Трејси Морган наводно треба да ја преземе улогата.
„Рајтман навистина сакаше да го направи тоа. Навистина сакав да го направам тоа. Дени ДеВито навистина сакаше да го направи тоа. Но, кога Рајтман почина, неговиот син реши да стави сè на чекање“, изјави неодамна Арнолд.
Сепак, фановите нема да бидат разочарани бидејќи Арнолд откри дека работи на нов филм со Дени.