Иако Шакира и Жерар Пике често го исполнуваа медиумскиот простор со нивните расправии во последната година, тие се обединети во одлуката да ги заштитат своите синови од прекумерна медиумска експонираност. Момчињата се многу ретко во медиумите, а се појавуваат исклучиво на настани кои се важни за нивните родители или интересни од детска перспектива.
Десетгодишниот Милан и осумгодишниот Саша ја придружуваа својата мајка на доделувањето на ‘MTV Video Music Awards’ во Prudential Center во Њу Џерси, а во семејниот излет уживаше семејството кое се насмевна пред камерите.
Трогателната глетка на пејачката која ја споделува оваа важна прилика со своите деца, несомнено беше еден од најважните моменти на вечерта.
Ноќта беше особено значајна за Шакира, а на целата работа сигурно и додаде фактот дека нејзините синови ја видоа како прима вредна награда. Во текот на вечерта, ѝ беше доделена наградата Video Vanguard, што беше пресвртница бидејќи таа стана првата јужноамериканска уметница што ја доби оваа престижна чест.