Мајкл Џ.Фокс (62), светски познат актер, без двоумење се согласи да го сними документарниот филм „Still: A Michael J. Fox Movie“ во режија на документарецот Дејвис Гугенхајм, добитник на Оскар.
Филмот беше премиерно прикажан на почетокот на годината во „Санденс“, а на доделувањето на наградите за документарни филмови од „Critics Choice“ во 2023 година во Лос Анџелес, филмското сведоштво за тоа какво е секојдневието на актерот кој се прослави со улогата на Марти Мекфлај во „Враќање во Иднината“ доби дури пет престижни награди, вклучувајќи ја и категоријата најдобар биографски документарен филм.
Неговата цел беше да даде што е можно поедноставен одговор на прашањето, како изгледа животот на поранешна филмска ѕвезда без шарени, холивудски филтри? Малкумина се осмелија да го прашаат актерот со тешко движење како функционира секој ден во неговите четири ѕида.
Вака е создаден болно искрен документарец кој ги пушта гледачите во приватниот свет на актерот и неговото семејство, ги снима неговите лични и професионални триумфи и борби и открива што точно се случило кога на 29-годишна возраст се соочил со неизлечива болест.
Тој беше среде снимањето на романтичната комедија „Док Холивуд“ и речиси преку ноќ, во 1990 година, дозна дека поради раната Паркинсонова болест, во најдобар случај му претстојат уште десет години работа во филмот и телевизијата.
Тој го дозна ова токму додека се издигнуваше во својата кариера, во 1988 година, и се ожени со една година постарата американска актерка Трејси Полан, колешка од ситкомот на NBC „Family Ties“.
Инаку, Мајкл во последно време искрено и отворено зборува за својата борба со Паркинсоновата болест.
– Реков дека Паркинсоновата болест е подарок. Тоа е подарок што продолжува да ми одзема, но ми го промени животот на толку многу позитивни начини. Еден од нив е создавање на фондација, која финансира истражување за развој на терапии за оние кои живеат со Паркинсонова болест – објасни неодамна тој за Town&Country.