📽📷Фаталната актерка го привлече и вниманието на Трамп, a компанијата – „гори“

Откако американскиот претседател Доналд Трамп ја пофали рекламата на American Eagle Outfitters со актерката Сидни Свини, акциите на компанијата скокнаа.

Акциите на компанијата пораснаа за повеќе од 12 проценти вчера откако Трамп јавно ја пофали новата рекламна кампања на брендот за облека со актерката Сидни Свини, позната по нејзините улоги во сериите „Еуфорија“ и „Белиот лотос“.

Тој на својата социјална мрежа Truth Social изјави дека Свини е регистриран републиканец и дека во моментов „најпровокативната“ реклама е тоа што потрошувачите ги купуваат овие фармерки во голем број, објави Bloomberg.

Кампањата, која беше лансирана во јули, го носи слоганот „Сидни Свини има одлични фармерки“, со игра на зборови на англиски – jeans („фармерки“) и genes („гени“).

Во видеото, Сидни Свини вели дека „гените ги одредуваат особините како бојата на косата, карактерот и бојата на очите“, додека ги стега фармерките и ги истакнува сините очи со фразата: „Моите фармерки се сини“.

Sydney Sweeney for her American Eagle campaign. pic.twitter.com/oqYJRx4wG3

— Pop Crave (@PopCrave) July 24, 2025

Видеото предизвика бура од реакции на интернет – некои луѓе рекоа дека алузиите на „гените“ на бела русокоса жена „потсетуваат на расистичките теории за евгеника“.

Други тврдат дека рекламата е премногу аналитичка и дека е хумористична игра на зборови без подлабока порака.

Sydney Sweeney ❤️‍🔥 pic.twitter.com/hqjro2pHOV

— Sydney Sweeney Daily (@sweeneydailyx) July 24, 2025